DÜNYA
Novak Cokoviç Olimpiya çempionu olub
Novak Cokoviç Olimpiya çempionu olub
Serbiyalı tennisçi Novak Cokoviç "Paris-2024" Yay Olimpiya Oyunlarının tennis yarışlarında qızıl medal qazanıb.
Qızıl medal uğrunda keçirilən final görüşündə Cokoviç ispaniyalı Karlos Alkarası hər iki setdə tay-brekdə qalib gələrək 7:6, 7:6 hesabı ilə məğlub edib və karyerasında ilk Olimpiya qızıl medalını qazanıb.
Novak Cokoviçin Olimpiya çempionu olması münasibətilə Serbiya Prezidenti Aleksandar Vuçiç onu sosial media paylaşımı ilə təbrik edib.
Qeyd edək ki, Novak Cokoviç 30 yaşdan yuxarı olmasına baxmayaraq Olimpiya Oyunlarının tennis yarışlarının finalına yüksələn tarixdə üçüncü tennisçi olub. Bundan əvvəl bu uğura Rocer Federer və Serena Uilyams nail olmuşdular.