Karlos Alkarazın Hamburg turnirindən sonra ATP reytinqində Top 5-ə yüksəlməsi gözlənilir

İspaniyalı tennisçi Karlos Alkaraz Hamburg ATP 500 turnirinin yarımfinalında slovakiyalı Aleks Molçanı 7:6 (7:2), 6:1 hesabı ilə məğlub edərək finala yüksəlib.

Bu nəticə ilə 19 yaşlı tennisçi ATP reytinqində karyerasında ilk dəfə Top 5-ə daxil olmağı təmin edib. Turnirin qalibi olacağı təqdirdə isə Alkaraz dördüncü pilləyə yüksələrək Stefanos Tsitsipası geridə qoya bilər.

Hamburqda finala yüksəlməklə Alkaraz bu mövsüm ATP 500 turnirlərindəki məğlubiyyətsiz seriyasını 14 oyuna çatdırıb.

Finalda onun rəqibi italiyalı Lorenzo Musetti olacaq. 20 yaşlı tennisçi yarımfinalda argentinalı Fransisko Serundolonu məğlub edərək karyerasında ilk dəfə ATP turnirinin finalına yüksəlib. Bu nəticə sayəsində Musettinin də ilk dəfə ATP reytinqində Top 50-yə daxil olması gözlənilir.

2022-ci ildə artıq Mayami və Madrid Masters turnirlərinin qalibi olan Alkaraz mövsümün ən uğurlu tennisçilərindən biri hesab olunur və Hamburgdakı nəticəsi onun dünya tennisinin elit oyunçuları sırasında mövqeyini daha da möhkəmləndirib.