DÜNYA
Endi Marrey peşəkar karyerasını başa vurub
Məşhur şotlandiyalı tennisçi Endi Marrey peşəkar karyerasını başa vurduğunu açıqlayıb.
37 yaşlı tennisçi "Paris-2024" Yay Olimpiya Oyunlarında mübarizəni başa vurduqdan sonra tennislə vidalaşdığını bildirib.
Karyerası ilə bağlı danışan Marrey bunları deyib:
"Karyeram, qazandığım uğurlar və tennisə verdiyim töhfələrlə fəxr edirəm. İndi isə həqiqətən xoşbəxtəm."
Qeyd edək ki, Endi Marrey karyerası ərzində 3 Böyük Dəbilqə tituluna sahib olub. O, 2012 və 2016-cı il Olimpiya Oyunlarında kişi tennisində qızıl medal qazanıb. Bundan əlavə, London-2012 Olimpiadasında qarışıq cütlüklərdə də gümüş medal əldə edib.