Uimbldon turnirinin qalibi məlum olub

Tennis üzrə Uimbldon turnirində kişilər arasında mübarizəyə yekun vurulub.

Final görüşündə serbiyalı Novak Cokoviç avstraliyalı Nik Kiriosla qarşılaşıb. Rəqibini 4:6, 6:3, 6:4, 7:6 (7:3) hesabı ilə məğlub edən Cokoviç turnirin qalibi olub.

Bu qələbə ilə Novak Cokoviç karyerasında yeddinci dəfə Uimbldon çempionu adını qazanıb. O, daha əvvəl 2011, 2014, 2015, 2018, 2019 və 2021-ci illərdə də bu nüfuzlu turnirin qalibi olub.

Bununla yanaşı, serbiyalı tennisçi karyerasındakı 21-ci Böyük Dəbilqə titulunu əldə edib.