"Laver Cup 2022"də Avropa komandasında Federer, Nadal, Cokoviç və Mürrey yer alacaq

Tennis tarixinin məşhur "Böyük Dördlüyü" – Rocer Federer, Rafael Nadal, Novak Cokoviç və Endi Mürrey Laver Cup 2022 turnirində Avropa komandasının heyətində bir araya gələcək.

Turnirin təşkilatçıları Novak Cokoviçin də yarışda iştirak edəcəyini rəsmən açıqlayıblar. Serbiyalı tennisçi bu ilin Wimbledon turnirində karyerasının 21-ci Böyük Dəbilqə titulunu qazanaraq Rocer Federeri geridə qoyub və yalnız Rafael Nadaldan bir titul geri qalır.

Federer, Nadal, Cokoviç və Mürrey birlikdə son 76 Böyük Dəbilqə turnirinin 66-sında çempion olublar. Dörd tennisçinin hər biri karyerasının müxtəlif dövrlərində ATP reytinqində dünya bir nömrəsi olub.

Rocer Federerin idarəetmə şirkəti tərəfindən təsis edilən Laver Cup turnirinin beşinci buraxılışı 23–25 sentyabr tarixlərində İngiltərənin paytaxtı London şəhərində keçiriləcək. İlk dörd turnirin hamısında Avropa komandası qalib gəlib.

Dünya komandasının heyətində isə indiyədək Feliks Oje-Aliassim, Teylor Friz və Dieqo Şvartsmanın iştirakı təsdiqlənib.